Back to Top
Vigilante banner image

Plan Anual 2023: Warda Kosta lo bira mas grandi


January 28, 2023 • 1 minüt pa lesa

AMSTERDAM/WILLEMSTAD – Warda Kosta ta bai krese na kantidat di personal. Ku mas trahadó e organisashon por desaroyá su mes den un instansia ku ta operashonal 24/7. Esei tin poné den e Plan Anual di Warda Kosta di Karibe pa aña 2023, ku Minister di Defensa Kajsa Ollongren a manda pa Parlamento hulandes.

Konforme e plan lo amplia e kantidat di 265 trahadó ku algun desena pa traha full time. Lo reklutá e trahadónan nobo den Karibe mes. Ku ampliashon dje organisashon, Warda Kosta por reforsá protekshon di kosta. Ademas e organisashon lo bai invertí e aña akí den material nobo i esnan ku tin na disposishon kaba.

Warda Kosta ta un vínkulo importante den e kadena hudisial di Karibe. Warda Kosta ta operá den kolaborashon ku partnernan regional i internashonal, manera Estádonan Uní di Merka, Kolombia i Unión Europeo, loke ta krusial pa e despliegue den e dominio marítimo. Un dominio konsiderabel ku un área di trabou di alrededor 300 mil kilometer. Ademas di brinda servisio manera búskeda i reskate, e organisashon ta enkargá tambe ku tareanan di investigashon i supervishon den Karibe.

Esaki ta inkluí tareanan di polis, lucha kontra terorismo i kòntròl di fronteranan. E tareanan di Warda Kosta ta inkluí ademas e lucha kontra trafikashon di hende, negoshi di hende i imigrashon iregular. Aña pasá Warda Kosta tabata partikularmente eksitoso den e lucha kontra droga, ku un kantidat konsiderabel di intersepshonnan di droga. Esaki ta nifiká ku e organisashon ta hunga un papel importante den e lucha kontra krímen internashonal ku ta mina (ondermijning).

Login