SUSTERWEI—Den un bodega na Susterwei na Drachten outoridatnan a deskubrí un plantashon di mariwana ku alrededor di 900 mata.

Un hòmber di 23 aña sin estadia permanente ku tabata den e edifisio a keda detené komo sospechoso. Djamars a drenta un melding di un hende ku tabatin holó kimiko den aire banda di e bodega. Seguidamente agentenan di Team Milieu medio ambiente huntu ku Waterschap Friesland a yega na e sitio pa investigashon di e awa. Agentenan a sinti un holo di mariwana i tende un zonido straño den e bodega. Nan a drenta den e espasio kaminda a deskubrí 900 mata di mariwana. Un hòmber di 23 aña a keda detené riba sospecho di produkshon di droga.