Back to Top
Vigilante banner image

Polis a detené 15 sospechoso pa envolvimentu den eksploshonnan


January 20, 2025 • 2 minüt pa lesa

ROTTERDAM–Ayera mainta, polis a detené 15 sospechoso relashoná ku vários eksploshon na Rotterdam, Zandvoort i Den Haag.

E sospechosonan tin entre 14 i 25 aña di edat i ta di Capelle aan den IJssel, Rotterdam, Delft, Den Haag, Spijkenisse i Amsterdam. Ta trata di kasonan pa kua polis tabatin archivonan wardá, segun hefe suplente di distrito Wim Hoek di Polis di Rotterdam. E sospechosonan arestá ta sospechá di vários eksploshon ku ta envolví kobra i otro eksplosivo. Esaki ta inkluí tres atake riba un pizeria na Rotterdam. Polis ta bisa ku no a detené niun hende envolví den un di e eksploshonnan na kas di un funshonario di munisipio di Rotterdam. Polis a bisa den un komunikado di prensa ku e investigashon riba un eksploshon na Den Haag a keda aselerá despues ku a haña un eksplosivo den baul di un outo di hur. Un total di 10 sospechoso a keda arestá pa envolvimentu den e eksploshon aki. Durante búskeda di kas despues di e detenshonnan, dos arma di kandela, un suma kuantioso di plaka, paña di diseño karu, sapatu di diseño karu, un oloshi karu i dos outo a keda konfiská, polis a informá. Segun Hoek, e detenshonnan ta un señal hopi kla. Un di e sospechosonan a keda arestá relashoná ku un eksploshon na òktober último. No ta kuestion si nos lo detené bo, ta kuestion di ki dia nos lo detené bo, e hefe di polis a enfatisá. E no ke papia di vürwèrk, pero di “atakenan ku eksplosivo. E ta yama e oumento di eksploshonnan un tendensia preokupante i ta kere ku e sospechosonan hopi bia yòn no ta mira e konsekuensianan i implikashonnan di un atake. E ta un krímen kontra bida, Hoek ta bisa. Ta parse ku hende no ta realisá esaki sufisiente. Enbes di detené sospechosonan individual na un momento, polis a skohe awor pa detené un kantidat di sospechoso pareu pa varios insidente separá. Polis ta spera ku esaki lo hala atenshon adishonal di medionan di komunikashon pa enfatisá e embergadura di e problemanan ku eksploshonnan i pa atvertí hóbennan ku e chèns di keda gará ta haltu.

Login