NIJMEGEN—Polis a detené un militar armá den un sentro komersial Hatert na Nijmegen ayera mèrdia.

E hòmber a kana drenta e sentro komersial den su uniform ku un arma, i mésroa testigunan a yama polis. E hòmber ta biba riba e sentro komersial i a keda detené dilanti su kas segun Omroep Gelderland. Ora a resulta ku e ta un militar aktivo, polis a pasa e kaso pa Marechaussee. Marechaussee a tene entrada den su kas, pero no a haña mas arma òf munishon. E arma ku e tabatin, no tabata aktivá. E ta den detenshon mientras marechaussee ta investigá e kaso.