AMSTERDAM—Dia 14 novèmber polis a detené dos hòmber den Amsterdam ku tabata den poseshon di 120 kilo kokaina. Tres dia despues a detené un terser sospechoso.

Asina polis a informá ayera. Hues komisario a prolongá nan detenshon ku 14 dia. Djaluna mèrdia 14 novèmber agentenan a mira un outo den Amsterdam ku a stòp pa un hende ku a drenta ku un tas grandi. Despues e persona a baha sin tas. Agentenan a disidí di kontrolá e outomobilista. Den e tas agentenan a deskubrí 7 blòki di posiblemente kokaina. Na un adres den serkania di e otro hòmber, polis a tene un entrada kaminda a haña 111 blòki di kokaina. Un blòki di kokaina di pers ta pisa normalmente 1 kilo. E dos hombernan den outo tin 33 i 38 aña di Hillegom ku Amsterdam i e terser sospechoso (34) ta un dama di Amsterdam.