Willemstad —— Kontrali na e persepshon ku kisas ta biba serka sierto gremio den nos komunidat, Kuerpo Polisial ta konfirmá ku e kontròlnan den kuadro di Covid-19 ta kontinuá normalmente, manera ya kaba tabata e kaso durante di último lunanan.
Den e fin di siman tras di lomba, a kontrolá diferente establesimentu den área di Pietermaai, Bapor Kibrá i tambe otro sitionan, bou di kua diferente snèk riba nos isla. E gran mayoria di negoshinan ku polis a bishitá tabatin tur kos na òrdu. Sinembargo a repartí un total di dies (10) prosès verbal pa falta di tapa boka, aglomerashon i molèster di muzik. Na un snèk den área di Weto, polis a para e operashon pa motibu di muzik duru. E kontròlnan aki ta kontinuá den próksimo dianan.