Na final tabata e agente polisial mes a bin mustr’é
ku e winshil tambe ta di plak.
Willemstad— Ayera un grupo forma pa Milisia di Kòrsou i polis a tene un kontròl riba Schottegatweg Zuid riba e plachi di dia durante Lockdown.
E kontròl tabata dirigí riba vehíkulonan ku tabata riba kaya pa wak si nan tin e pèrmit esta e eksonerashon i òf tabata kumpli ku e plachi di dia durante lockdown. Tabata para tur vehíkulo riba Schottegatweg Zuid pa asina kontrolá e lèter di e plachi di number pa wak si esaki ta kuadra ku e dia. Tambe tabata kontrolá tur e dokumentonan respektivo di kada vehíkulo. Durante di e kontròl a para un vehíkulo i a tuma nota ku tur e glasnan tabata di plak.
A puntra e shofùr ku pa esaki tambe e por tin un eksonerashon pa kual e la kontesta negativo kual a pone ku e mester a baha i kita e glasnan di plak. Ora ku e la kaba e agente polisial a aserk’é indikando na dje ku e winshil dilanti tambe ta di plak. E shofùr a hasi manera e no a komprondé loke e polis tabata splik’é i tabata na e momento ei ku e polis mes a mustr’é ku e winshil ta di plak dor di ranka e film.