Momento di e entrega di Chaleko kontra bala na un agente polisial.

Willemstad——Djabièrnè 12 di yüli 2024 a tuma lugá na edifisio prinsipal di polis na Rio Canario, entrega simbóliko di chaleko anti bala na 6 miembro di Kuerpo Polisial Kòrsou.

Ta e intenshon pa den próksimo dianan entregá e chalekonan aki na agentenan polisial, di manera ku nan por hasi nan trabou bou di kondishonnan mas seif. Na e okashon aki, tantu Minister di Hustisia mr. Shalten Hato komo hefe di kuerpo, sr. Raymond Ellis a yuda e koleganan aki bisti nan chaleko, pa despues e minister mes bisti esun di dje.

Sigur un invershon ku ta bale la pena i ku ta minimalisá e riesgo ku e agente polisial ta kore na momentu ku e subi kaya pa sirbi i protehá su komunidat.