Back to Top
Vigilante banner image

Preis di komestibel mester normalisá na 2025


January 8, 2025 • 2 minüt pa lesa

Importá: un krítika históriko riba inflashon na Kòrsou ta kostonan di “hala i saka” kònteiner.

Parera— E sistema di OB agregá ta bira un menasa serio pa e florin di Kòrsou. Apesar ku inflashon internashonal a baha, preisnan den rèki na supermerkado ta keda haltu.

Importadónan di produkto i komestibel pa 2025 tin un desishon importante pa tuma. Adaptashon di preis general di produkto pa aliviá efektonan di inflashon riba preis di konsumo general.

Ta un hecho ku durante 2020 pa 2024, importadónan di produktonan pa konsumo personal (prinsipalmente komestibel) a konfrontá oumento di preis di kompra serka provedornan internashonal. Esaki a kousa unu di e motibunan di inflashon haltu na Kòrsou. Despues nos a drenta den un proseso ku e guera di Ukrania ku a afektá suminsio di diferente produkto agríkola. Ámbos aspekto i ku e instabilidat ku tin na medio oriente a kontribuí ku no solamente ku preisnan di alimento pero tambe preisnan energétiko ku a subi fuertemente.

Esakinan a kondusí na un tasa di inflashon hopi haltu rònt mundu. Segun Jose Jardim di Banko Sentral, p’esei ta ripara e maneho monetario hopi restriktivo ku e prinsipal bankonan sentral rònt mundu a apliká netamente pa purba kontené e inflashon. Kòrsou a konosé mesun oumento di preisnan, pues un tasa di inflashon hopi haltu. Si nos a ripara ku e tasa di inflashon ta regresando na nivelnan mas saludabel i mas di akuerdo ku nos situashon ekonómiko. Segun Jardim Ketu bai nos tin un tasa di inflashon alrededor di 3 porshento. Poko poko nos tei ripara ku a medida ku e tasa di inflashon merikano tambe regresá na nivel di 2 porshento ku esun di nos tambe lo redusí. Si ripara pa Kòrsou i Sint Maarten ta ripara histórikamente ku e inflashon na Merka ta esun prinsipal ku ta determiná e inflashon. Esaki ta pasombra nos ta importá mas tantu di Merka ku for di Hulanda. Na Merka, e tasa di inflashon a baha supstansialmente i ta spera esaki di yega 2%.

Pa 2025, ta spera ku produktonan den rèki tambe baha, awor ku importadónan ta kumprando ku ménos inflashon riba merkado estado unidense i tambe hulandes..

Login