Back to Top
Vigilante banner image

Preis di konsumo a baha durante novèmber


January 9, 2025 • 2 minüt pa lesa

Harely Martina CBS.

Piskadera–  For di sifra ku Ofisina Sentral di Statistik (CBS) a publiká awe ta indiká ku preisnan di konsumidó a baha na luna di novèmber 2024 ku 0,6 porshento kompará ku òktober 2024.

E preisnan di konsumidó promedio a subí na luna di novèmber 2024, ku 2,9 porshento.

E sifra di inflashon na luna di novèmber a subi ku 2.9 porshento. Desaroyo di preis for di luna di novèmber 2024 kompará ku òktober 2024 E sifranan di preis di konsumidó (CPI) pa luna di novèmber 2024 a baha en komparashon ku esun di luna di òktober 2024 ku 0,6 porshento, e sifra di preis di konsumido na novèmber 2024 ta 103,1 (na luna di òktober e tabata tambe , 103,7). Preisnan di kasi tur kategoria di konsumo a baha na luna di novèmber 2024. E kambionan di preis mas importante na luna di novèmber 2024 ku a baha ta: Bibienda (-1,5%), Muebilario i kosnan di kas (-1,3%), Salubridat (-0,5%), Rekreashon (-0,3%). Mas barata a bira e siguiente kategorianan di konsumo; Transporte i komunikashon (0m1%). Preisnan di kategoria Kuminda a keda mes un kos (0,0%).

Desaroyo di preis riba término largu Inflashon ta reflehá pèrdida di balor di sèn, pues di forsa di kompra, dor di subida di preis di produkto i servisio pa e konsumidó riba término largu (usualmente 12 luna). E sifra di inflashon pues ta duna un indikashon di e subida promedio di kosto di bida, i p’esei ta ser rekomendá komo instrumento pa indeksashon di salario, penshun, ònderstant/ benefisio sosial, suèldu mínimo i otro entrada. Inflashon den un sierto luna ta ser kalkulá dor di komparashon di e CPI promedio di 12 luna na e luna konserní ku e CPI promedio di 12 luna na e mes luna e aña anterior. Midi pa e periodo di luna di novèmber 2024, en komparashon ku e periodo similar un aña anterior, e preisnan di konsumidó promedio a subí na luna di novèmber 2024, ku 2,9 porshento. E promedio di CPI di 12 luna a subi di 99,7 na novèmber 2023 na 102,6 na novèmber 2024.

Pa mas informashon, por fabor bishitá e wèpsait di CBS (www.cbs.cw)

Apesar ku inflashon ta baha, preisnan den supermerkado ta keda mesun kos.
Login