Back to Top
Vigilante banner image

Preis di konsumo a sigui bahada den inflashon


January 9, 2025 • 2 minüt pa lesa

Richard Doornbosch (CBCS): luna pasá e la mustra su prekupashon ku apesar di un bahada den inflashon e preisnan di konsumo no a baha.

Skalo— E notisia di CBS, ku preis di konsumo en general a baha na Kòrsou ta un bon notisia. Te ku terser kuartal esei no tabata e kaso, apesar ku inflashon ta bahando. Awor ku e nivel di inflashon a yega 2%, ta mustra ku preis di konsumo tambe ta bahando.

Luna pasá Banko Sentral, a presentá e sifranan den Desaroyo Ekonómiko 2024 pa Kòrsou i mira riba desaroyo den futuro. E kresementu pa Kòrsou no tabata muchu diferente for di kresementu di ekonomia mundial. Pa 2024, Kòrsou a konosé un kresementu di 5.4%.  Inflashon na Kòrsou tambe a baha i yega 2%, debí na un bahada den preisnan internashonal di kuminda i kostonan logístiko. Inflashon a baha na Kòrsou di 7.4% te 3.6% pa yega 2% na 2024.

E nivel di inflashon riba merkado estado unidense ta influensha preisnan di produkto den rèkinan di supermerkado na Kòrsou. Esei ta un problema grandi. Miéntras Estádos Unídos ta eksperensiá kota di inflashon mas abou despues di Covid, na Kòrsou e preisnan no ta kambia. Pero sifranan di kresementu ekonómiko ta mustra un mihó desaroyo.  Segun direktor di Banko Sentral, Richard Doornbosch, Banko Sentral ta notifiká un kresementu kontinuo di nos ekonomia despues di Covid i i yega un kresementu di 5.4 % kolektivo pa 2024. Pa lokual ta trata kresementu na Kòrsou, sektor di konstrukshon a krese ku 17.2% miéntras Turismo a krese ku 10.4%. Importante pa notifiká ku turismo di Kòrsou ta kresiendo mas lihé kompará ku St. Maarten, ku a konosé un kresementu di 6.6%. Segun Doornbosch e kresementu na St. Maarten a keda abou debí na e sla den konstrukshon despues di orkan Irma ku a afektá hopi hotel nan rekuperashon.

Anke e presidente direktor no a menshoná spesífikamente den su presentashon, por nota tambe ku e Produkto Nashonal Brutu di Kòrsou entretantu a yega na 6.3 miar lokual tabata un desaroyo positivo pa e kota di debe nashonal ku tambe a sigui baha i yega te na 62.9% i pa 2025 ta spera esaki na yega 61.4%.

Tur luna Ofisina di Statistik ta publiká data riba desaroyo di preis.

Login