Back to Top
Responsive image
E korant di pueblo

Presensia di Kluivert a hala basta atenshon na Guatemala


May 15, 2021 • 1 minüt pa lesa

GUATEMALA—E anunsio di presensia di Patrick Kluivert komo tékniko di nos selekshon di futbòl próksimamente a hala basta atenshon den prensa deportivo na Guatemala.

Esaki durante di e dia di ayera, unda ku a publiká entre otro ku e strea mundial di futbòl, lo bai ta esun pa dirigí selekshon di Kòrsou, na momentu ku nos ekipo topa e selekshon di Guatemala riba djamars dia 8 yüni benidero, den wega programá pa mira akshon, inisiando 8’or di anochi den Stadion Ergilio Hato, den bario di Brievengat, na Kòrsou.

Durante di e diferente relato i publikashonnan, a bai den detaye di informashonnan ku tin di e posibel malesa di Guus Hiddink i tambe historia di Patrick Kluivert.

Pues un di e poko biahanan i kisas asta e promé okashon, ku Guatemala ta tende di sierto moveshon, pa i relashoná ku nos selekshon. Un ke otro unda ku di otro banda, si diariamente tin publikashon i notisia di moveshonnan rondó di nan selekshon, dirigí pa tékniko Amarini Villatoro, pa nan próksimo kompromisonan.

Netamente Kòrsou i Guatemala lo konkluí Grupo C di Concacaf den promé buèlta klasifikatorio, den wega ku tambe lo por ta esun desisivo pa yega na ganadó di e grupo.

Login