WILLEMSTAD – Minister di Hustisia i Asuntunan Sosial di Aruba Rocco Tjon a haña un presentashon tokante dje proyekto di konsientisashon pa hóben di Ministerio di Hustisia lokal, titulá ‘Sende, ta konsiente!’.

Durante e reunion ku Minister di Hustisia Shalten Hato i parti di e tim ‘Sendé’, Tjon a haña presentashon dje proyekto akí, ku tin komo enfoke pa konsientisá mucha i hóbennan di skol di fundeshi i skol avansá tokante di alkohòl, droga, agresividat i sèks. E tim multidilplinario ta duna charla tres bes pa siman na skolnan pa konsientisá hóbennan. Minister Tjon a keda impreshoná ku e informashonnan ku ela risibí i ta habrí pa kolaborá ku Kòrsou pa asina por bini kompartimentu di informashon ku Aruba.