Punda– Hopi siguidó di Vigilante ta puntrando si e yobida aktual tei pasa. Un bista riba wèpsait di Meteo ta mustra nada partikular.

Un fluho moderá for di nortost, generá pa un preshon haltu riba Atlántiko djis nort di Karibe, lo sigui transportá nubianan ku áwaseru riba nos isla i rondó di esaki. Bientunan lo bira mas fuerte aserkando e próksimo fin di siman, miéntras ta ferwagt ku e áwaserunan lo disminuí tempran riba djasabra. Mas ainda, pa motibu di e bientu fuerte e laman na su bùrt lo ta lokalmente un poko brutu.

Kondishon di laman:
Generalmente moderá ku altura di ola entre 1 i 1.5 meter (3 pa 5 pia). Olanan di mas haltu ta serka di kosta na nort.

Fenómeno spesial:
Ningun.