WILLEMSTAD,–  Despues ku siman pasa Vigilante a publiká un artíkulo di parlamentario Juniel Carolina tokante kachónan di kaya, ayera e presidente di Fundashon Protekshon pa Animal na Kòrsou a bisa ku e problema di kachónan los na Kòrsou ta saliendo for di man. E ta bisa ku e problema aki tin un karakter úniko riba e isla i ku no por kompará esaki ku e kachónan di kaya.

E ta splika ku mas ku mitar di e animalnan aki ku ta kana liber riba kaya, en realidat ta maskotanan ku tin nan kura. E multiplikashon di e animalnan aki ta mas rápido ku kualkier proyekto di sterilisashon intensivo.

Kayanan di Kòrsou yen di animalnan di kaya ta birando normal atrobe i e salú mental general di e poblashon ta deteriorando drástikamente, lagando e balor di e animalnan atras.

E problema na Kòrsou ta úniko i no por ser kompará ku situashonnan anterior. E proyektonan di sterilisashon no por sigui e ritmo di e oumento rápido di e kantidat di animalnan. E yudansa di personanan ku ta alimentá e animalnan aki riba kaya, tampoko ta sufisiente pa solushoná e problema. Kada biaha mas i mas e animalnan aki ta bira agresivo i ta defendé nan teritorio atakando e ser humano i tambe otro animalnan.

Enfoke Integrá

E enfoke integrá ku a keda proponé ta inkluí edukashon na skolnan, un kampana di sterilisashon na gran eskala, saka e animalnan for di kaya, ofresé e animalnan den adoptashon ora ku ta posibel i kastigá e personanan ku laga nan bestianan kore liber riba kaya. Den kaso di sufrimentu severo i falta di opshon di adoptashon, kisas lo mester pone e animal drumi pa semper.

Animal Protection Curacao ta dispuesto na yuda ku e enfoke integrá aki, pero nan a enfatisá ku nan no por aktual nan so. E organisashon ta hasi un yamada di koperashon na e minister di Salubridat i esun di hustisia bisando ku nan ta responsabel pa brinda solushon i kumpli ku lei. Sinembargo apesar di e promesanan, ainda nan no a pone e rekursonan nesesario na disposishon.

Responsabilidat:

E situashon aktual ta reflehá un problema mas amplio riba e isla, manera por mira e parke zoológiko kon bandoná esaki ta. Ta na tantu gobièrnu komo pueblo pa asumí nos responsabilidat na bienestar di e animalnan. E fundashon Protection Animal Curacao ta hasi un yamada urgente na e akshon pa huntu logra un kambio positivo i mehorá e bida di e pèrsonanan i e animalnan riba e isla.