Back to Top
Responsive image
E korant di pueblo

Presidente di parlamento a firma e prosès verbal’ di enkuentro


January 15, 2021 • 1 minüt pa lesa

Willemstad,– Presidente di parlamento señora Ana Maria Pauletta a splika ayera ku despues ku el a konstatá ku no tin korum pa e reunion por a kuminsá , el a firma e prosès verbal di e enkuentro, kaminda ta indiká kua miembro di Parlamento tabata presente i ku Parlamento no por a reuní.
El a indiká ayera ku di e tres pianan di Trias Polítika ayera e pia di kontròl parlamentario a keda eliminá. E ta bisa ku ta di lamentá ku esaki ta sosodé ku netamente e úniko pia ku ta keda direktamente skohe dor di pueblo. “Mi ta spera ku pa e siguiente reunion nos por duna kontinuidat na e trabounan di Parlamento”, asina señora Pauletta a duna di konosé.

Login