Back to Top
Responsive image
E korant di pueblo

Presidí pa Valdemar Marcha: Un komishon di 6 a elihí e 100 mihó futbolistanan di Kòrsou


May 25, 2021 • 2 minüt pa lesa

WILLEMSTAD—Despues di a tantisimo reakshonnan ku tabatin i yamadanan risibí, Deporte Vigilante a trata na sa ken presisamente ta parti di e komishon ku a elihí e 100 mihó futbolistanan. Ta trata di un publikashon di durante di e fin di siman tras di lomba.

Un ke otro pa entre otro por tende e kriterionan i trata na komprondé dikon sierto futbolista na ta parti di e lista aki. Ku esaki bo sirbidó ta referí entre otro kiper defuntu Jairzinho ‘Ziño’ Pieter, kende a logra e titulo máksimo durante di último añanan, ku diferente ekipo. Tambe por hasi menshon di entre otro futbolistanan ‘Toy’ Felomina, Eugene Constancia, ‘Papi’ Jacobs, Sidney Bito i durante di e último añanan, sigur e trio formá pa Ashar Bernardus, Kenneth Kunst i Luidjino Hoyer. Franklin Clemencia, kende a hasi e trabou atministrativo pa e komishon, ku e tambe tabata parti di dje, a deklará ku ta un komishon di 6 a hasi e trabou.

Komishon
Ta trata aki di komishon ku tabata presidí pa Valdemar Marcha i a konta tambe ku ‘Ronnie’ Trouwloon, ‘Mem’ Vornis, ‘Chito’ Walle, Rignald Vidal i Franklin Clemencia. E grupo di penshonadonan aki, tabata reuní durante di un aña largu tur djarason, pa por a yega na nan lista di 100. Sr. Clemencia a indiká ku pa bin na remarke primeramente mester tabata un futbolista di nivel, unda ku a tene kuenta ku e parti di komportashon i disiplina, miéntras ku mester a presta pa mínimo 10 aña, tantu lokal, komo den selekshon i internashonalmente.

Deporte Vigilante mas aleu a komuniká ku sr. Marcha, komo presidente di e komishon, ayera den oranan di trai mèrdia, kende a splika di tabata den un reunion i lo yama 6’or atardi bèk. Te ayera nochi, na momentu ku bo sirbidó, tabata trahando e artíkulo aki, nos no a risibí e yamada indiká. Ta notabel ku diferente nòmbernan ku ta wòrdu menshoná pa tabata riba e lista, ta kumpli ku eksigensianan, unda sr. Clemencia a konkluí ku no por a skohe tur hende i ku kisas a hasi algun fayo, pero ku ta na altura ku e lista aki, lo a trese su reakshon i komentarionan kuné. 

Login