Back to Top
Vigilante banner image

Prezu ta mata kachó di prizòn i kome su karni


April 11, 2023 • 1 minüt pa lesa

Segun outoridatnan tabatin kaso similar, pero den kua a mata i kome djaka.

CARACAS – Un hòmber detené i identifiká komo Argenis Rafael Lopez Vargas, di 38 aña di edat, a kousa morto di un kachó den e sentro di detenshon “Instituto Outónomo Kuerpo Polisial di e Estado di Cojedes.

Outoridatnan a haña durante e investigashonnan, restunan inkompletu di e animal, ku tabata pertenesé na polis. Debí na e situashon, a yama veterinario nan di Mishon Nevado, ku ta kumpli ku e funshon di protegé bida di animalnan.

E hòmber awor ta kumpliendo ku un kastigu di prizòn pa ladronisia. Outoridatnan polisial, kende a kalifiká e echonan komo sin eskrupulo, lo presentá e hòmber un biaha mas dilanti un tribunal, pa hasi su mes responsabel. Esaki ainda ta detené den e prizòn di San Carlos.

“Una Ventana a la Libertad”, organisashon ku ta denunsiá i monitoriá e situashon di prezunan na Venezuela i e kondishonnan di e detenido nan, a reportá na vários okashon, echonan manera esaki. Algun kaso tabata konosí den kua detenidonan a kome djaka debí ku e sentronan di detenshon no ta garantisá alimentashon.

E deklarashonnan aki a hala hopi atenshon i mesora a kambia punto di bista di hopi. E situashon riba su mes a hala tambe hopi atenshon i ta sigur interesante pa sigui e kaso aki.

Login