Amsterdam,– Prinsesa Beatrix, 83 aña, a tèst positivo pa Covid-19.

Beatrix mester a tèst despues ku el a sinti síntomanan di ferkoud último dianan aki. Aktualmente e ta den karentena na su bibienda. Djaluna den oranan di mainta Beatrix a regresá bèk despues ku el a keda pa vários dia na Kòrsou kaminda e lo mester a atendé vários evenemento di mediomabiente. Banda di esaki Beatrix a yega di splika den pasado ku el a bakuná den pasado.

Durante di su bishita na Carmabi Prinsesa Beatrix a sinta huntu ku klas i risibí informashon tokante di e bida bou di laman. Tambe a hasi un bishita na e laboratorio unda ta hasi investigashon di e koralnan ku nos tin den área di Karibe. Na e mes momentu ei a laga Prenses Beatrix duna e koralnan kuminda i despues a sigui pafó riba e pir unda akinan e a bati e bèl kaminda a laga un kantidat di larva bai awa pa asina esakinan bai stashoná i krese bira un koral.