Back to Top
Responsive image
E korant di pueblo

Problema grandi pa operashon di Refineria Isla


June 2, 2021 • 2 minüt pa lesa

Schottegat– Un desishon den Korte di Apelashon tei afektá kontinuidat di Refineria Isla. E kaso aki ta referí na e asuntu di ku si pais a aktua ilegalmente pa ku Clean Air Everywhere kuidando di manera  insufisiente e kalidat di e aire den e zona di Schottegat.

Korte di promé instante a dikta den sentensia firme di 26 di ougùstùs 2019 ku e pais a aktua ilegalmente dor di no kuida  sufisientemente e kalidat di e aire den área di Schottegat, lokual a konstituí un violashon di artíkulo 8 di e kombenio oropeo di derechonan humano. Ademas, korte general a dikta ku pais mester garantisá ku den e tempu di un aña, e normanan di e World Health Organisation pa e “zwaveldioxide i fijnstof” keda apliká òf e normanan nobo  establesé pa pais Kòrsou.

Pais Kòrsou no tabata di akuerdo ku e veredikto aki i a apelá kontra di dje. Den e sentensia di ayera, Korte a konfirmá e sentensia di korte di promé instansia den tur aspekto. Kuminsando 1 di sèptèmber 2020, e ministeriele regeling ta kuminsá konta for di 10 di ougùstùs 2020 pa establesimentu pa loke ta e kriterionan estétiko pa e kalidat di aire den aplikashon di artíkulo 2, lid dos di órden públiko lo mester keda apliká.

E echo di ku e landsverordering ta eksistí awor, no a duna korte ningun rason pa dikta di otro manera.Sin bai den kontenido di esaki, por puntra si e reglamentu ta konta ku un base hurídiko sufisientemente sólido  pa keda konsiderá komo un stándart sólido den e sentido di artíkulo di EVRM. Ademas awor ku e legisladó no a keda apliká, ta eksistí posibilidat di ku e reglamentu por keda kita pa un minister ku bini òf lo por apliká esaki di algun otro manera.

Pa proporshoná un motibu pa no hasi esaki i komo insentivo pa yega na un marka stándart  kaminda ku e legisladó si ta konsider’é, tambe riba un periodo largu den kual pais no ta duna sufisiente peso na e interesnan di su siudadanonan di ta hala airu kontaminá i e daña di salu di e asosashon, e desishon ta keda konfirmá, asina korte a bisa den su sentensia ayera.

Ku e sentensha aki operadornan di Isla mester mantené e kalidat di aire i protehá komunidat. Un desaroyo nobo pa lokual ta trata maneho i operashon di refineria ku por kousa mas retraso den re-apertura di e plantanan riba tereno di Isla.



Login