Willemstad –-Ayera den oranan di atardi Restorant Ceviche a habri su porta nan pa asina brinda nos hende nan lokal i internashonal plato nan sumamente delisioso i eksótiko.
Ceviche ta un plato marisco sur amerikano originalmente di Perú . Ceviche Bar ta traha ku Piskadónan lokal i tambe ta importá algun kos for di Perú, Fransia i Panamá. Nos di Vigilante tabata presente na e gran inougurashon di e restorant kaminda tambe bo por disfrutá di arte nan hopi kreativo pinta riba muraya, segun e propietario ku e sabor original di e plato nan ta debí ku tur nan ingrediente nan ta bini for di Perú i e ta sumamente kontentu di por a trese algu otro na Kòrsou mirando tòg e situashon ku mundu kompleto i mas ku klaro pais Kòrsou ta pasando aden. Mas aleu e la splika ku e tin 18 aña trahando den e sektor di Horica, komo weiter, bartènder etcetera i ta sumamente kontentu ku e logro ku awe e ta propietario di su propio restorant.
Ceviche Bar Restorant ta warda hinter pueblo di Kòrsou pa pasa purba su plato nan eksótiko den un ambiente ameno i agradabel aya na Renaissance Hotel di 4 piso ku bista riba laman i nos bunita Haf.