Marigot—Konforme un reportahe di Guadelopue 1, un plataforma di notisia na e isla di Guadeloupe, St. Maarten Franses a konfirmá nan promé kaso di MonkeyPox.

E relato a bini despues ku e agensia di salubridat públiko regional dje isla a emití un boletin ofishal. Na Guadeloupe mes tambe riba 25 di Yüli último a registrá e promé kaso, segun Guadeloupe 1. Segun e medio di komunikashon ku a publiká e relato riba nan wepsait, un pashènt na parti franses di St. Maarten a keda registrá ku MonkeyPox. E parti franses di e isla ta konektá dirèkt ku e parti hulandes sin ningun restrikshon di entrada i salida.