Ariel Henry, kende a duna a informashon i presentá su mes i e minister nobo pa e puestonan.

PORT-AU-PRINCE – E promé minister di Haiti, Ariel Henry, a asumí den oranan di djaluna komo titular di Ministerio di Interior i Kolektividat Teritorial, un dia despues ku a destituí e responsabel anterior Liszr Quitel i e minister di Hustisia, Berto Dorcé.

Emmelis Prophète-Milcé, a keda nombrá komo tantu Minister di Hustisia komo e funshonnan di Minister di Komunikashon.

Henry, den un deklarashon breve a indiká, ku e ke bolbe reiterá ku e ta determiná na traha pa éksito di e transishon i tambe pa selebrá elekshonnan liber, honesto, kreibel, transparente i demokrátiko.

E kabesante di Gabinete a afirmá ku su propósito ta pa revitalisá e Ministerio di Interior i Kolektividat nan Teritorial, pa asina añadí ku ta konta ku kolaborashon di tur e empleadonan.

Algun medio haitiano a sugerí ku e funshonarionan destituí ta figurá entre e kargonan haltu ku Estádos Unídos a sanshoná pa nan supuesto relashon ku e gruponan armá i delitunan manera entre otro narkotráfiko.

E gobièrnu estadounidense no a anunsiá sanshonnan kontra Quitel i Dorcé, manera a hasi na inisio di novèmber kontra e presidente di Senado haitiano, Joseph Lambert, i e eks presidente Youri Latortue.

A indiká ku tantu Lambert komo Latortue, a abusá di nan kargonan ofisial pa asina trafiká droga i a kolaborá ku retnan kriminal i gèng nan pa asina burla di Estado di Derechi di Haiti.

Ademas di impedí ingreso di esaki nan, na su teritorio, Estádos Unídos a ordená e blokeo di tur nan propiedatnan i interesnan den su teritorio, sea e ta na nan nòmber òf den kòntròl di siudadanonan estadounidense.