Willemstad,– Señor Rhuggenaath a bisa ayera ku ta bai tin un elekshon i ku pa e motibu aki ta bai tin un reunion kaminda lo papia ku tur lidernan polítiko pa ku e reglanan riba e dia di elekshon ku ta 19 di mart. Esaki pa nos elekshon por sigui mas safe posibel.

E ta bisa ku dia 13 si mart ta kumpli nèt un aña ku e promé kaso di Covid-19 a keda diskubrí na Kòrsou. “Nos mester bai siña biba mei mei di e pandemia aki. Ainda nos ta den krísis, ainda mundu kompletu ta konfrontando e pandemia aki, pero mester dal stapnan pa por krea un bida mas mihó posibel. Nos ta den krísis, pero siudadanonan ta keda vakuna i mester sigui ku e lucha kontra di C0vid 19. Mester biba kuné i tambe sigui kuida kontra dje”, asina promé minister Eugene Rhuggenaath a bisa.

“Kisas e sifranan ta duna nos un enkurashamentu i e programa di vakunashon tambe a duna nos estímulo i ta di ban sigui kuida pa nos yega na un bida mas normal posibel”, Pues Rhuggenaath.

LEI SEKU TA DEN TAPARA

Señor Rhuggenaath a bisa ayera tambe ku no por ekskluí e posibilidat di ku den e próksimo dianan lo anunsiá algun medida mas i ku no por ekskluí e medida di Lei Seku. E ta bisa ku esaki tambe ta den konsiderashon i ku e ta bisa esaki awor, pa maña ora ku anunsiá esaki, e no kai di sorpresa, pues ta posibel ku den e siguiente medidanan, lo bai anunsiá ku un biaha mas lo bai tin lei seku na Kòrsou.