Back to Top
Vigilante banner image

Promé piso edifisio Duana destruí pa kandela


May 15, 2024 • 1 minüt pa lesa

WILLEMSTAD—- Polis di Punda i tambe pagadónan di kandela stashoná na Steenrijk a keda dirigí pa e edifisio di Duana den Punda na unda  a tuma nota di basta huma saliendo for di e promé piso.

Tabata den oranan di atardi ku a drenta e informashon ku ta mirando basta huma saliendo for di e edifisio di Duana situá na Handelskade. Mesora polis a bai den e aria i enbèrdat a señalá huma saliendo for di e promé piso di  e edifisio. A sera e aria wardando yegada di pagadónan di kandela stashoná na Steenrijk. Na yegada di e pagadónan di kandela mesora nan a drenta e edifisio pa asina por a kombatí e kandela. A tuma nota ku e kandela kua surgi a kousa basta destrukshon na e interior di e edifisio unda basta artíkulo a bai pèrdí i òf a haña daño di e kandela. Tim Forensiko di Kuerpo Polisial huntu ku pagadónan di kandela a keda enkargá ku e investigashon pa saka afó kiko por a kousa e kandela.’’

Login