SCHIPHOL—Pasaheronan ku yega Hulanda lo mester mustra un tèst negativo di corona na yegada na Schiphol.

Minister De Jonge kier introdusí e obligashon aki, pero mester di un kambio di lei pa esaki. Por introdusí e obligashon aki pa mas tempran yanüari. E deklarashon mester ta 48 ora prome ku yegada. Esaki mester fasilitá hendenan ku mester hasi biahe di urgensia for di paisnan di risiko. Banda di esaki minister De Jonge kier laga tèst e grupo aki 5 dia despues di yegada, hasta si nan no tin kehonan di corona. Entretantu por start ku e deklarashon for di medio desèmber pa un grupo spesífiko di biaheronan. Ta trata di no-oropeonan ku ta keda eksonerá di Union Oropeo. for di medio yanuari por laga tèst despues di 5 dia di yegada. Di e manera aki nan por keda menos largu den karentena.