Back to Top
Vigilante banner image

Proposishon PVV pa nombra Plasterk komo premier no ta karga aprobashon di tur partner


May 17, 2024 • 1 minüt pa lesa

DEN HAAG—Eks-minister i eks-informadó Ronal Plasterk posiblemente lo keda propone pa Geert Wilders pa bira premier.

Den Haag ta tereno konosí pa Plasterk. E tabata minister i miembro di Tweede Kamer. Tambe el a traha nòmber den siensia i tambe a hasi imprenshon komo kolumnista den varios media. Na Leiden el a studia biologia i a promové riba un tesis riba investigashon genetiko di bichi. E tabata miembro di konseho munisipal pa PvdA. Miembro di koalishon Omtzigt posiblemente no ta di akuerdo ku e eskoho pasobra e tabatin un konflikto ku Plasterk durante negosashonnan. Pieter Omtzigt i Ronald Plasterk a tene un kombersashon ayera pa drecha e relashon entre nan dos. Omtzigt i su partido NSC tin dudanan pa e postulashon di Plasterk komo premier. Pero ayera Plasterk a ofresé su diskulpa publikamente na Omtzigt via Telegraaf riba un kuestion di outo di servisio. Esaki no ta parse di a yuda masha. Omtzigt a kuestioná Plasterk ku durante negosashonnan pa formashon el a skonde informashon di finansa publiko. Plaster a kuestioná Omtzigt ku e tin poko respet pa e instituto informadó dor di kibra negosashonnan via prensa promé. Mas aleu, tin investigashon di universidat mediko UMC Amsterdam pasobra Plasterk i su sosionan lo a gana miones ku patentnan medico mientras un sientífiko ku a kopera ku nan no a haña nada. UMC ta investigando e kaso despues ku e notisia a sali den NRC. Pa e ala hubenil di NSC esaki ta motibu pa no hasi Plasterk premier.

Login