Back to Top
Responsive image
E korant di pueblo

“Public Wage Bill” tin algun sindikalista ku wowo di falki


March 4, 2021 • 3 minüt pa lesa

Punda—“Mi ta siguié di aserka”, ta lokual sindikalista di SAP, Amado Vilchez a duna di konosé na Vigilante riba un reakshon tokante e “public wage bill” ku Hulanda kier introdusi den 2021. Segun e sistema di Public Wage Bill, kual ta forma parti di Pakete di Pais Kòrsou, e suma kolektivo na salario públiko mester baha. Nifikando, ámtenar tei kana ku ménos sèn den su saku.

Salario Brutu di e ámtenar yu di Kòrsou ta un sumpiña den wowo dje polítiko na Den Haag. For di 2018, Raymond Knops ta indikando un “tehi sientífiko” pa baha e kosto di ámtenar Yu di Kòrsou. Na yüni 2020, durante periodo di Covid e suma a konosé su promé “piek” despues ku na salario brutu gobièrnu mester a paga kasi 70 mion debí na un pagonan na prima di vakashon di 12 i 7 mion respektivamente.  Segun minister di Ofisina di Planifikashon i di Servisio, Armin Konket tin alrededor di 600 empleado públiko, kendenan a mustra interes riba retiro obligatorio. Si tur 600 ámtenar baha den 2021, e gastu promedio pa kada unu lo bira 65 mil florin. E bahada lo nifiká 7 mion florin ménos na pago pa gobièrnu lokual ta un bahada di 15% ménos na salarionan brutu. Pero, minister Armin Konket te for di yüli 2019 te ku febrüari 2020, no a logra ningun adelante pa trese efisiensia den e aparato públiko, kousando un desaster pa komuniká ku organisashonnan sindikal.

Pero Den Haag ke trese COHO Kòrsou i baha e gastunan di paga ámtenar via di Pakete di Pais. Hulanda ta papiando di Public Wage Bill. E Public Wage Bill  ta nifiká ku e kostonan kolektivo di kosto na salario den aparato públiko, no por ta mas haltu ku 10% di e Produkto Nashonal Brutu.

E “public wage bill” ta un standardisashon pa mantené un bahada struktural salario den sektor públiko i suavisashon di e kondishonnan di trabou pa e sektor.  Gobièrnu di Kòrsou, firmando na novèmber último  ta di akuerdo  pa introdusí e sistema tambe na Kòrsou. E tarea aki ta forma un parti integral di e Pakete di Pais komo sup sistema pa ehekushon di COHO. Segun Hulanda, e gastunan di sektor públiko di Kòrsou ta demasiado haltu kompará ku e área di Karibe.  Esaki pasobra e “public wage bill” di Kòrsou ta demasiado haltu, den otro palabra ámtenarnan ta kobrando demasiado sèn. Mediante Pakete di Pais, Gobièrnu di Kòrsou a firma pa baha e salarionan kolektivo di ámtenar te na 10% di e Produkto Nashonal  Brutu Interno di Kòrsou. Esaki ta un norma den área di Karibe, segun e dokumento firmá ma Novèmber último. Pa tal motibu e meta prinsipal di COHO relashoná ku gastunan públiko ta pa baha e nivel di kosto den sektor públiko, entre otro salario.

E Produkto Nashonal Brutu Interno di Kòrsou pa 2019 tabata kasi 5.5 miar florin. Konforme e último kálkulonan di gobièrnu te ku desèmber 2020, a paga un suma di 442 mion florin na kompensashon di ámtenar kual ta bou di 10% “public wage bill” kolektivo pero na nivel individual ta otro. Otro pronóstiko di Cft ta yega na 528 mion florin na salario brutu di aparato públiko. Esaki tambe lo ta bou di e Produkto Nashonal Brutu. Vigilante a hiba un kombersashon ku Amado Vilchez di sindikato SAP. Vilchez a bisa ku nan ta studiando e asuntu, pero tambe el a bisa ku Cft mester wak bon ta kua salario brutu ta kontando, pasobra nan tin un impreshon ku Hulanda ta inkluí aden tambe e salarionan di kompanianan anónimo di gobièrnu.

Login