Willemstad,– E hóben Raichel Sintjacoba lider di partido Un Kambio pa Kòrsou  ta splika ku durante kampaña lo sigui ku mesun strategia ku a usa pa pre elekshon pa alkansá e votadónan.

E ta bisa ku e ta mas interesá pa bira parlamentario i ku ta elekshon pa parlamento ta bai tin.

E hóben polítiko ta bisa tambe ku nan ta partido nobo ku un kampaña chikí pa bai elekshon. E ta splika ku nan no tin fondo pa traha T-shirt i bandera ets i e kosto ta hopi haltu pa e materialnan aki i nan no a tuma niun sponsership. Pues ta e kandidatonan mes ta usa nan finansa pa promové e partido.

E lo kier mira pa e kambio kuminsá na orígen di e problema i pa nos ban einan i pa trata problemanan ku nos a bin ta konfrontando pa hopi aña. Sigur e sektor di enseñansa ta unu ku nan lo tin haltu den nan bandera.

E ta bisa ku ora e ta den bario, pueblo ta puntr’é si e ta bai bira minister, pero pueblo mester sa ku ora bai vota, ta bai vota pa parlamentario i no pa minister.

Segun e hóben Sintjacoba den bario hóbennan ta sinti nan defroudá i ta sinti ku nan bai vota ta meskos ta keda. “Pero nos a papia hopi ku e hóbennan i hopi di nan ta bisa ku awor si nan ta bai vota i ku nan ta vota pa mi, pues Raichel Sintjacoba.

Tambe e ta bisa ku e echo ku tin diferente hóbennan a drenta polítika, e hóbennan ku mester bai vota ta sinti awor ku tin hende ta komprondé nan i tin kasi mesun pensamentu ku nan.