Irving Faneyte: E di ku e si a respeta e moshon di deskonfiansa.  

Brievengat– Manera ta konosí komo 2 luna ekiponan di FFK a bini huntu i pasa un moshon di deskonfiansa kontra presidente di FFK.

P’e ekiponan e moshon di deskonfiansa tabata legal, pero remarkabel tabata e echo ku Ramiro Griffith a pone un banda i sigui traha komo presidente di FFK. Ayera Deporte Vigilante a keda sorprendé pa un deklarashon hasi pa Irving Faneyte kende ta un dje 3 miembronan dje aktual direktiva di FFK. E la indiká na nos ku e si a respetá e moshon di deskonfiansa. E la sigui mustra nos riba e echo ku Ramiro Griffith mester a respeta e moshon di deskonfiansa i baha. Nos a puntr’e dikon e no a baha ora ku e moshon di deskonfiansa, e la kontesta nos masha kòrtiku mes. E moshon di deskonfiansa no tabata kontra mi, e tabata kontra Ramiro, tabata e palabranan di Irving Faneyte. Ora e moshon di deskonfiansa a pasa ta Sharetti Bryan mester a tuma enkargo, kual no a sosodé, e la indika na Deporte Vigilante.