ROOSEVELTWEG—Segun presidente di FFK, Ramiro Griffith e reunion ku a tuma lugá den oranan di mèrdia na un restorant riba Rooseveltweg tabatin di haber ku kontinuashon di kampeonato.

Ayera tabatin un vidio sirkulando unda por a nota algun miembro den direktiva di ekiponan lokal drentando reunion i tambe Ramiro Griffith. Mesora a lanta e sospecho ku Ramiro lo ta harmando algu nobo pero ayera e la desmentí esei na Vigilante. Segun Ramiro, e reunion tabata pa averiguá kon ta sigui ku e kampeonato lokal.

Pero pa por deliberá riba kontinuashon di kampeonato, falta mas klup miembro di FFK ku no tabata den e reunion.