Back to Top
Responsive image
E korant di pueblo

Raywentley van Gurp a firma ku Nettuno di Italia


June 5, 2021 • 1 minüt pa lesa

Willemstad,– Un di e mihó peloteronan den nos beisbòl lokal, si no ta e mihó, a kaba di firma ku e ekipo di Nettuno di Italia.

Ta trata aki di Raywentley “Wenchi” Van Gurp kende te ku temporada pasá a hunga pa e ekipo di Royal Scorpions ku ta ser manehá pa su tata, Raymond “Mompy” van Gurp.

Raywentley “Suray” Van Gurp un tempu tabata firma kaba komo profeshonal ku e organisashon di Mets kaminda el a hunga di 2007 pa 2010 i a bati pa un promedio di .263 komo profeshonal despues di a konektá 147 hit den 559 turno.

Raywentley pues a firma ku Nettuno di Italia i sigun informashonnan ku Vigilante ta disponé di dje, e pelotero lo sali den e próksimo dianan mes pa Italia, kaminda su ekipo lo ta wardando riba dje pa mesora djòin nan den e kampionato ku ta ranka sali awe ora ku e ekipo di Nettuno topa ku e ekipo di Red Sox Paternò. Wèchi su posishon ta segunda base, pero naturalmente e ta defendé tur kaminda den infield. Ta un pelotero ku tremendo wante i un super bon bate. Raywenley mes a disidí di pone un final su karera profeshonal mirando ku kosnan no tabata bai manera e tabata deseá. Ta trata di un pelotero ku tin tur kos pa a yega leu den beisbòl, pero destino no ta den bo mas. Di parti di Vigilante nos ta deseá Raywentley tur klase di éksito aya na Italia.

Login