Back to Top
Vigilante banner image

Retiro boluntario di ámtenar “VVU” no a subi kuenta di amtenar


March 4, 2021 • 2 minüt pa lesa

Nada: minister Armin Konket ta e minister den kabinete Rhuggenaath, ku no a bisa ni tampoko hasi nada durante 4 aña di gobernashon.

Punda— Minister Armin Konket su kara no ta esun mas gustá bou di un kantidat di kasi 600 ámtenar kende a pensa ku nan lo pasa un dushi pasku i final di 2020, apesar di Covid. Nan kuenta bankario a keda meskos, despues ku kabinete Eugene Rhuggenaath a primintí ku pa desèmber, pagonan di VVU, esta retiro boluntario ta wòrdu pagá.

E retiro boluntario di un kantidat di kasi 600 ámtenar, lo kosta gobièrnu di Korsou alrededor di 34 mion florin èkstra, pero hopi ámtenar riba lista di VVU ta kanando ku skouder na laria den direkshon di minister Konket. E suma ta presupuestá pa wòrdu paga for di desèmber 2020, oumentando e suma brutu di salario pa gobièrnu te na 78.4 mion florin. Esaki ta lokual ta dedusí for di sifranan di Cft. Sifranan mensual ta mustra ku gobièrnu tabatin presupuestá  na gastu di personal un suma di kasi 22 mion florin neto na salario. Esaki ta kuadra ku un suma promedio di 44 mion florin brutu pa salario mensual. Despues di kita 14.5 mion na pagonan di penshun mas 7.5 mion na prima sosial ta keda e suma neto di 22 mion florin, kual mensual tin un efekto dirèkt riba likides di gobièrnu.

Kenneth Gijsbertha, minister di finansas públiko.

E Minister di Planifikashon Personal i Servisio,  mester paga e retiro boluntario di alrededor di 600 ámtenar, promé ku desèmber 2020. Esaki ta lokual tin riba presupuesto, pero di otro banda e minister no a haña 100% koperashon di e sindikatonan.  Pero e problemanan di Konket ta mas grandi di lokual a pensa. E gastu èkstra di retiro boluntario ta unu dje pòstnan ku a yuda kontribuí na un défisit riba presupuesto. Apesar Kòrsou a logra risibi sosten presupuestario serka Hulanda den forma di un fiansa durante último kuartal 2020 pa 286 mion florin, VVU a sigui kologá entre minister Gijsbertha di Finansas i Konket di BPD. Ámtenarnan ta puntra unda nan VVU a keda pasobra na ke baha.

Den un luna e aparato públiko ta kostando Kòrsou, 44 mion florin mensual. E suma por totalisá 528 mion florin anual, lokual ta kasi 10% di Kòrsou su produkto nashonal brutu. Esaki ainda ta bou di e “public wage bill” ku Hulanda ke laga introdusí.  E paga na salario brutu  pa kada ámtenar ta yega na kasi 132 mil florin anual pro medio. Hulanda ke mira mediante e Pakete di Pais, un bahada drástiko den e sumanan na gastu di personal. 600 ménos ámtenar na salario por nifiká un efisiensia di kasi 80 mion florin mensual pa gobièrnu di Kòrsou, lokual ta tradusí den un bahada mensual di 7 mion florin na salario brutu.

Login