Back to Top
Vigilante banner image

Retiro boluntario VVU pa di dos kuartal 2021


April 8, 2021 • 1 minüt pa lesa

Komishon Sentral: Minister demishonario Konket di BPD. E proposishon di Konket i BPD ta pendiente pa Parlamento.

Punda—E retiro boluntario ku mester a tuma lugá den Aparato Públiko, ainda ta pendiente. For di desèmber 2020 un kantidat di kasi 600 ámtenar ta wardando riba e pago pa nan por baha, pero esaki no ta tumando lugá ainda.

E retiro boluntario, lo kosta gobièrnu entre 34 pa 55 mion florin èkstram kual 27 mion lo ta riba presupuesto pa 2021. E suma ta presupuestá pa wòrdu pagá for di desèmber 2020, oumentando e suma brutu di salario pa gobièrnu te na 78.4 mion florin pa e luna korespondiente. E gastu èkstra di retiro boluntario ta unu dje pòstnan ku ta yuda kontribuí na un défisit riba presupuesto, si Kòrsou no logra risibi sosten presupuestario serka Hulanda den forma di un fiansa durante 2021. Pero awor mester skuif e kosto pa e di dos kuartal di 2021.

Den un luna normal, sin pagonan èkstra di prima  òf i vakashon ets, e aparato públiko ta kostando 44 mion florin mensual. E suma por totalisá 528 mion florin anual, lokual ta kasi 10% di Kòrsou su produkto nashonal brutu. E suma pa kada ámtenar ta yega na kasi 132 mil florin anual pro medio. Hulanda ke mira mediante e Pakete di Pais, un bahada drástiko den e sumanan na gastu di personal. 600 ménos ámtenar na salario por nifiká un efisiensia di kasi 80 mion florin pa gobièrnu di Kòrsou, lokual ta tradusí den un bahada mensual di 7 mion florin na salario brutu. Pero tin indikashon di duda. Durante prome kuartal 2021, tabatun 40 mion menos na entrada di impuesto. Entretantu preguntanan ta saliendo dilanti.

Login