25%: si bai via COHO, salario di parlamentarionan mester baha ku 25% promé ku yüli 2021.

Punda–  Den un karta riba 13 di aprel 2021, Promé Minister Eugene Rhuggenaath a manda informá lidernan polítiko di MFK i PNP si no finalisá e dekreto nashonal pa baha salario di parlamentarionan i direktornan di kompanianan nashonal, Hulanda lo no por mas Fondo di Sosten disponibel.

Esaki tabata konsekuensha di  lokual Aruba Kòrsou i St. Maarten a firma e Pakete di Pais unda tabatin kondishonnan mará na esaki. Segun Knops a duna di konosé, Hulanda no tin interes di kontrolá e islanan pero ke vigilá lokual nan tin na fiansa. Por ehèmpel Kòrsou so debe Hulanda 3 mil mion florin. Segun Hulanda pa Kòrsou por paga bek e tin di baha su gastunan. Komo kondishon den e Pakete di Pais tin stipulá ku entrante 1 yanüari 2021, mester kuminsá traha riba e dekretonan pa na promé lugá baha 25% fo’i salario di tur miembro di parlamento pero tambe baha 12.5% fo’i salario pa direktornan di kompanianan nashonal i fundashonnan.

Pero esaki ainda no a tuma lugá i pa terser kuartal Hulanda lo pone komo kondishon ku e dekretonan aló ménos den nan forma di konsepto mester ta riba mesa. Si esaki no tuma lugá e tranche destiná pa finansiá Fondo Sosten di 1 yüli 2021 te ku 1 òktober 2021 no ta bini. Na 2020 Kòrsou a risibi un suma di 670 mion florin pa Fondo di Sosten. E finansiamentu ta yega te na yüni 2021, pero kostonan adishonal di Covid ta menasando e presupues