DEN HAAG—Richard van Zwol a keda nombra pa partidonan di koalishon nobo PVV, VVD, NSC, BBB komo formadó di gabinete nobo.

Normalmente e formadó ta bira e premier pero e ta refutá ku den e kaso aki lo sosode asina. Eks-informadonan van Zwol i Dijkgraaf ta skirbi den nan relato ku e lidernan di fraskon ku bista riba kontinuidat den formashon gabinete a haña nesesario pa pidi un dje informadonan pa tuma e tarea di informadó. Zwol ta dispuesto pa tuma e tarea di formashon. El a ninga kategorikamente ku e ta bira e premier nobo. Lo e guia e proseso di manera profeshonal si e mes no ta disponibel pa e gabinete. E fase di formashon lo dura mas ku normal pasobra no a papia di repartishon di kartera ainda. Lo ta un proseso interaktivo segun Zwol. E ta kere ku e mester di 4 pa 5 siman pa finalisa e tarea. Spesial  ta ku den e periodo aki lo tin seshonnan pa e kandidatonan pasobra Tweede Kamer a determiná esaki den 2023.