Back to Top
Vigilante banner image

Si Hulanda pidi diskulpa pa sklabitut ta nifiká: kompensashon!


January 16, 2021 • 1 minüt pa lesa

ROTTERDAM—Kolegio di burgemeester i wethouder Rotterdam ta konsiderando pa duna diskulpa pa e pasado di sklabitut.

Kiko e konsekuensianan finansiero i simboliko mester ta i si mester hasi esaki huntu ku Amsterdam òf Reino, ta algun di preguntanan ku e kolegio ta deliberando riba dje. Tambe e kolegio ta puntra su mes si e diskulpa ta na nòmber di e kolegio, konseho munisipal, munisipio òf tur habitante di Rotterdam. E kolegio lo pidi konseho di sientifikonan i profesornan huridiko. E kolegio ta realisá ku sosiedat tin mester di kontestanan rápido. Pero si pidi diskulpa esaki mester ta kompleto realisabel i e palabranan mester tin peso i konsekuensianan konsiente, segun un karta na konseho munisipal. Ta papiando ku Amsterdam i Reino tambe pa un diskulpa riba nivel nashonal. Pa e motibu aki mester start un investigashon nashonal riba e pasado di sklabitut hulandes i yega na un museo nashonal di sklabitut. E karta di Rotterdam ta un reakshon riba e investigashon ku e instituto di Reino pa Idioma/Kultura a hasi dos aña pasa pa e munisipio. Den e investigashon ta indiká ku e siudat tabata kompletamente envolví den sklabitut. Burgemeester Aboutaleb di Rotterdam a hasi apelashon riba gabinete for di dos aña pasa pa ofrese diskulpa. Gabinete no a reakshoná. Te asina leu gabinete pa medio di visepremier Asscher a ekspresá duele profundo, pero no a duna diskulpa ofisial. Diskulpa ta un palabra pisá pasobra Hulanda posiblemente lo bira huridikamente responsabel ku ta nifiká kompensashon. Groenlinks, D66 i ChristenUnie a urgí gabinete pa pidi diskulpa.

Login