WILLEMSTAD,—-Ora ku tur hende a kere ku a plata pas amor i prosperidat entre kabesante nan di agrupashon musikal Sabor “S.O.”Original i e kantante Shu Aniceta,esaki ta mas leu for di kas di loke hopi hende ta kere.
Fuente ku ta hopi serka di e organisashon musikal a bisa Vigilante Farándula ku tin plan nan serio pa saka e kantante Shu Aniceta for di e agrupashon musikal ku e ta forma parti di dje ku ta Sabor “S.O.”Original. Manera ku Vigilante Farándula a tende di e informashon mes ora e la drenta den kontakto ku Win Palo,pero di niun manera i forma Win no a reakshoná riba e yamada nan di Vigilante Farándula.
Despues Vigilante Farándula a drenta den kontakto ku e legendario kantante ku ta Jhonny “B”Brion,pero “Jhonny tampoko no a aster e yamada nan di Vigilante Farándula. Ta asina ku fuente a duna di konosé ku den un reunion ku tabata tin entre kabesante nan di “S.O.” i Shu Aniceta Shu a bin ku par di kondishon nan ku kabesante di “S.O” no ta para su tras,entre otro kondishon ku e kantante a buta pa bai Hulanda pa algun presentashon i tambe presentashon nan den farándula aki na Kòrsou ku otro agrupashon musikal.
Fuente ta bisa ku aparentemente Shu Aniceta ta kana ku e pensamentu ku ta artista solista e ta i ku e no ta forma parti ofisial di “S.O.”,esaki ta pone ku e ta hasi loke ku e ke i na momentu ku ora ku e ta i niun no por bisé nada. Mas aleu mester bisa ku e kantante Shu Aniceta tin mas presentashon komo artista invitá ku e ta presentá ku “S.O.”. Vigilante Farándula a yama Shu Aniceta tambe,pero sin resultado deseá.