DEN HAAG—Rusia i China ta forma un menasa kada bes mas grandi pa seguridat di Hulanda, asina tres servisio di seguridat hulandes ta atvertí.

Minister Yesilgöz (HUstisia) a manda e maneho pa e menasanan aki djaluna pa Tweede Kamer. E seguridat di teritorio di HUlanda, Union Oropeo i NAVO ta bou di preshon, asina servisionan di inteligensia i seguridat MIVD, AIVD i kordinadó antiterorismo NCTV a konstatá. E guera na Ukraina ta ser konsiderá komo un desaroyo hopi preokupante. Rusia posiblemente no tin plannan pa un guera ku Nashonnan Uni pero e risikonan tei pasobra Rusia ta menasa ku armanan nuclear. Banda di esei Hulanda ainda ta blanku di hackers di estado. Den un rapòrt konhunto e servisionan ta bisa ku otro paisnan tambe ta purba trese intrankilidat den asuntunan hulandes. E intervenshon ta menasa stabilidat sosial i politiko di Hulanda. Komo ehèmpel e servisionan ta menshoná e problemanan ekonomiko aktual. Rusia ta purna konvense hendenan ku e inseguridatnan aki ta resultado di desishonnan anti-rusiano di gobiernunan oksidental i no di invashon ruso den Ukraina, segun e servisionan. Gobièrnu kier reakshoná pro-aktivo riba e menasanan i asina minimalisá e efektonan di akshonnan. AIVD, MIVD i NCTV ta atvertí mas aleu pa menasanan kontra seguridat ekonomiko. Hackersnan por purba por ehempel ataka bankonan, provishon di awa i kompanianan di energia. ainda esaki no a sosode den Hulanda. No solamente sabotahe ta un risiko pero tambe komo konsekuensia di invershonnan, influensia indeseabel di otro paisnan riba e provishonnan krusial.