Back to Top
Vigilante banner image

Rutsel Martha nombrá miembro Komishon Konsultativo di Derecho Internashonal


January 28, 2023 • 1 minüt pa lesa

E la keda nombrá miembro Komishon Konsultativo di Derecho Internashonal

WILLEMSTAD – Konseho di minister di Reino a sigui rekomendashon di minister Wopke Hoekstra di Asuntonan Ekesterior, a bai di akuerdo ku nombramentu di dr Rutsel Martha, komo miembro di e Commissie van Advies inzake Volkenrechtelijke Vraagstukken (CAVV), esta e komishon konsultativo di derecho internashonal.

E komishon aki ta un órgano konsultativo independiente ku ta konsehá gobièrnu di Reino i tambe Eerste en Tweede Kamer riba asuntonan di derecho internashonal. E Komishon ta atendé preguntanan hurídiko ku tin di aber ku intepretashon di derecho internashonal i ku aspektonan kaminda ta deseá leinan nobo.

Pa por bini na remarke pa miembresia di e komishon ta rekerí konosemetntu profundo i amplio i tambe eksperensiaa ekstensivo di derecho internashonal públiko, riba nivel di un profesor di derecho internashonal públiko. Ta nombra e miembronan pa medio de Dekreto Real a base di un proposishon di e Minister di Asuntunan Eksterior, riba rekomendashon di e grupo nashonal hulandes die Korte Permante di Arbitrahe. E nombramentu d Martha lo drenta dia 1 februari 2023 na vigor i lo konta pa kuater aña.

Martha ta hefe di e bufete di abogado internashonal Lindeborg Counselors at Law, na Londres, Inglatera. Previamente ela traha den e departamentu hurídiko di Fondo Monetario Internashonal (IMF na Washington), komo minister plenipotensiaro den Representashon di Reino dilanti Union Europeo (Bruselas, Bèlgika), Direktor-General di Iinterpol (na Lyon, Fransia) i tambde di International Fund for Agricultural Development, ku ta un organisashon spesialisá di Union Nashonal (na Roma, Italia). Di 1998 te 2002 e tabata minister di Hustisia di Antia Hulandes.

Login