Willemstad— Awe den oranan di mainta Minister Ruthmilda Larmonie-Cecilia Minister di Ekonomia i Minister di desaroyo sosial labor i bienestar huntu ku su kolega Minister Cooper di Ministerio di Tráfiko, Transporte i Planifikashon Urbano a tene un reunion ku e direktiva di Sandals Resort.

Segun Minister Ruthmilda Larmonie-Cecilia Sandals Resorts lo ta un aporte positivo pa Kòrsou su ekonomia. Durante e reunion di awe mainta a enfoká tambe riba e oportunidat di trabou pa Kòrsou su hendenan lokal ku ta laborá den e sektor di turismo. E oportunidat pa e yu di Kòrsou por risibí un trabou digno i alabes por stabilisá, sin mester pasa di kontrakt pa kontrakt.

Minister di Ekonomia i Minister di desaroyo sosial labor i bienestar ta enfatisá ku e oportunidat pa Sandals establesé na Kòrsou ta manera un balansa. Un balansa na unda nos lokal mester aportá na kada turista su eksperensia e vakashon di su soño, kompañá pa memorianan bunita di nos dushi pais Kòrsou i di otro banda, Gobièrnu mester sigui yuda pa nos yu nan di Kòrsou por tin trabou un digno ku stabilidat.

Sandals a indiká ku 86% di e empleadonan ku ta laborá den nan otro resòrtnan ubika den eksterior ta lokal. I a finalisá e reunion ekspresando lo siguiente “ We want to Hire the attitude and train the skills. We are looking for the smile of Curaçao in the sandals team”.