Segun Amerigo Thode ora promé minister Gilmar Pisas a bisa ku e hospital ta téknikamente fayit a tum’é na malu i awe e kuenta e keda presentá.

Willemstad,– “Ta for di dia di konstrukshon di Hospital Nobo Otrobanda, partido MFK a atvertí Gerensha i Gobiernu di PIN, PAR i MAN ku e lokual ku e hospital tin ku bai kobra pa dia pa kamber pa un pashènt lo bai sali mas karu ku un hotèl di 5 strea na Dubai”, asina señor Amerigo Thode lider di frakshon pa partido MFK a duna di  konosé.

Pero e ta bisa ku e gobièrnu di e tempu ei huntu ku gerensia a desbaratá MFK su ponensianan i awe palabranan di MFK di e tempu aya, tur a sali bèrdat.

Thode ta sigui bisa ku ora promé minister Gilmar Pisas a bisa ku e hospital ta téknikamente fayit a tum’é na malu. Thode ta sigui splika ku awe promé minister  Gilmar Pisas ku MFK a bolbe haña rason. “E gobièrnu di PIN, PAR i MAN a demonstrá ku ora nan ta na mando den Gobièrnu ta ròmel so nan ta laga atras pa otro bin drecha pa nan. Hesus e Pueblo aki tin mala suèltu ku e dirigentenan aki i pa kolmo esnan ku PIN, PAR i MAN a skohe sea pa traha, dirigí, kontrolá òf manehá  e instituto aki a laga masha hopi mes di deseá” pues segun señor Amerigo Thode.

E ta sigui bisa ku nan a demonstrá ku den apénas 1 aña di su eksistensha,esta aña 2020 ya kaba e hospital aki tin pèrdida kuantioso di 42 mion florin, sin konta añanan 2021 i 2022.

Segun Thode e state of art den Otrobanda  for di dia ku el a habri su portanan tabatin solamente resultado finansiero negativo di su banda. “Un hospital ku su konstrukshon so ta bai laba den 1.2 miar florin ku awó ta pueblo di Kòrsou tin ku bai paga pe pa e ròmel ku PIN, PAR i MAN a bai laga atras”, asina Amerigo ta terminá bisando.