WILLEMSTAD,– Den kombersashon ku Vigilante e parlamentario pa partido MFK, señor Fergino Brownbill, kende alabes ta formando parti di e komishon di hustisia, ta splika tokante di e ròl ku turismo ta hunga komo pilar ekonómiko den e paisnan di Karibe Hulandes.

E ta splika ku na Kòrsou, turismo ta un enfoke klave, pero tambe esaki ta pa nos rumannan Aruba, Boneiru i Sint Maarten. Brownbill ta enfatisá ku e presensia di turista ta fundamental pa e kresementu ekonómiko i e visibilidat internashonal di e paisnan aki (sigur Kòrsou), loke ta rekerí garantia ku tur kos ta funshoná korektamente pa protehá e eksperiensha di e bishitante i e imágen di e destino.

E turistanan ta disfrutá di e paisahenan i di e diversidat kultural ku e paisnan Karibense aki ta ofresé, pero tambe e siguridat ta un aspekto krusial, no solamente pa e bishitante nan, sino tambe pa e komunidat lokal. Brownbill ta atmití ku Kòrsou ta enfrentá un falta di personal pa kombatí kriminalidat, kreando reto den e maneho di siguridat. E ta splika ku e gobièrnu di Kòrsou, bou di gabinete Pisas, ta trahando pa atendé e problema aki, insentivando e hóbennan pa uni na e forsa polisial i mehorá e struktura di siguridat.

Brownbill ta rekordá ku resientemente e Minister di Hustisia di Kòrsou, Shalton Hato, a organisá un “jobfair” pa henter e sistema hudisial, ku e ophetivo di rekluta i satisfasé e nesesidatnan di e personal polisial. Sinembargo Brownbill ta rekonosé ku ta rekerí rekurso finansiero pa kontratá personal i atkerí ekipo nan adekuá. E ta sigui bisa ku minister Hato ta buskando fondo pa fortalesé e forsa polisial i mehorá siguridat riba e isla, tantu pa e turistanan komo pa e habitantenan.

E parlamentario ta sigui splika Vigilante ku apesar di e retonan aki, e akshonnan tumá pa minister Hato ta dunando resultado i por opservá un kaida den e kasonan relashoná ku aktividat kriminal ku mester ta atendé pa e sistema hudisial. No opstante, Brownbill ta atvertí ku pa atendé siguridat no mester limitá solamente na e ámbito di hustisia, tambe mester konsiderá e aspekto sosial, inkluyendo pobresa i ekonomia, ku por hiba e personanan na kometé akto kriminal.

Pa Brownbill, e trabou aki ta impliká no solamente mehorá siguridat pa e turistanan, sino tambe garantisá un ambiente sigur pa e habitantenan di Kòrsou. E balansa aki ta krusial pa mantené e kresementu ekonómiko i e stabilidat sosial riba e isla di Kòrsou.

WILLEMSTAD,– Den kombersashon ku Vigilante e parlamentario pa partido MFK, señor Fergino Brownbill, kende alabes ta formando parti di e komishon di hustisia, ta splika tokante di e ròl ku turismo ta hunga komo pilar ekonómiko den e paisnan di Karibe Hulandes. E ta splika ku na Kòrsou, turismo ta un enfoke klave, pero tambe esaki ta pa nos rumannan Aruba, Boneiru i Sint Maarten. Brownbill ta enfatisá ku e presensia di turista ta fundamental pa e kresementu ekonómiko i e visibilidat internashonal di e paisnan aki (sigur Kòrsou), loke ta rekerí garantia ku tur kos ta funshoná korektamente pa protehá e eksperiensha di e bishitante i e imágen di e destino.

E turistanan ta disfrutá di e paisahenan i di e diversidat kultural ku e paisnan Karibense aki ta ofresé, pero tambe e siguridat ta un aspekto krusial, no solamente pa e bishitante nan, sino tambe pa e komunidat lokal. Brownbill ta atmití ku Kòrsou ta enfrentá un falta di personal pa kombatí kriminalidat, kreando reto den e maneho di siguridat. E ta splika ku e gobièrnu di Kòrsou, bou di gabinete Pisas, ta trahando pa atendé e problema aki, insentivando e hóbennan pa uni na e forsa polisial i mehorá e struktura di siguridat.

Brownbill ta rekordá ku resientemente e Minister di Hustisia di Kòrsou, Shalton Hato, a organisá un “jobfair” pa henter e sistema hudisial, ku e ophetivo di rekluta i satisfasé e nesesidatnan di e personal polisial. Sinembargo Brownbill ta rekonosé ku ta rekerí rekurso finansiero pa kontratá personal i atkerí ekipo nan adekuá. E ta sigui bisa ku minister Hato ta buskando fondo pa fortalesé e forsa polisial i mehorá siguridat riba e isla, tantu pa e turistanan komo pa e habitantenan.

E parlamentario ta sigui splika Vigilante ku apesar di e retonan aki, e akshonnan tumá pa minister Hato ta dunando resultado i por opservá un kaida den e kasonan relashoná ku aktividat kriminal ku mester ta atendé pa e sistema hudisial. No opstante, Brownbill ta atvertí ku pa atendé siguridat no mester limitá solamente na e ámbito di hustisia, tambe mester konsiderá e aspekto sosial, inkluyendo pobresa i ekonomia, ku por hiba e personanan na kometé akto kriminal.

Pa Brownbill, e trabou aki ta impliká no solamente mehorá siguridat pa e turistanan, sino tambe garantisá un ambiente sigur pa e habitantenan di Kòrsou. E balansa aki ta krusial pa mantené e kresementu ekonómiko i e stabilidat sosial riba e isla di Kòrsou.