No a duna mashá informashon relashoná ku identidat òf edat di e víktima.

SAN SALVADOR – Un korte penal di El Salvador a instalá den oranan di djárason último un oudiensia preliminar kontra seis akusado di vários delito despues di violashon seksual di un mucha muhé na sèptèmber di 2023.

Un representante di FGR a indiká den un video kompartí riba su kuenta di X, ku e militarnan ta enfrentá e etapa di instrukshon pa e delitunan di privashon di libertat grave, violashon i agreshon seksual na un menor di edat. Esaki ta ainda mas grave mirando e echo ku e víktima ademas a keda menasá i a keda ku leshonnan.

El a señalá ku e militarnan a para un grupo di víktima den e lokalidat di Mizata, departamento di La Libertad, i a separá e víktima i hib’e na un otro lugá. Aki ta unda a realisá e delitunan di naturalesa seksual.

A añadí ku e papel di e restu di e militar nan tabata di opstakulisá ku e demas persona nan por a intervení pa asina evitá e akto, pa kua a solisitá ku e militarnan aki tambe por keda enfrentá na un huisio i keda den detenshon provishonal.

Den 2023, e Fiskalia a akusá e sargento Hector Ovidio Alvarado di bai ku víktimanan na un parti apartá, unda a abusá seksualmente di dje. Esaki miéntras ku sobra agentenan di Forsa Armá ta keda menasá i gòlpiá e sobra víktimanan.

E restu di esun nan akusá pa Ministerio Públiko ta Rene Escobar, Hilario Flores, Vicente Gomez, Edgardo Pintin i Eder Salazar.

Na El Salvador míles di sòldá ta patruyá, huntu ku elemento nan polisial, den kayanan di e pais. Esaki ta un situashon ku ta keda registrá for di e atministrashonnan anterior di Nayib Bukele.

Segun reporte di tres organisashon humanitario, e kuerpo di seguridat salvadoreño a superá e gruponan armá den e generashon di desplasamentu di forsa interno i entre e echonan generá tin diferente kaso di akoso i abusu seksual.