BTG a yama reunion pa tur miembro na sede.

Willemstad—  Siman pasa Minister di Finansa a pone riba su facebook ku e ta pone e di dos tranche for di e 20 mion pa Selikor riba un hold kual a pone ku awe den oranan di dia e bònt ku ta sali na defensa di e trahadónan di Selikor esta BTG  lo ta den reunion ku e personal.

Señor Sillie di e bònt di Selikor a splika ayera ku ta riba Facebook e la bin tuma nota ku Minister di Finansa señor Silvania mester a pone ku e ta wanta ku e otro tranche for di e 20 mion pa Selikor. Esaki ta debí segun Minister di Finansa ku Selikor no a kumpli ku e akuerdonan ku a ser firma na momento ku a pone e 20 mion na nan disposishon. Algun di e akuerdonan tabata ku Selikor mester limpia 20 bario den un luna kual segun e minister esaki no a ser hasi. Tambe ku e siudadano tin e derecho pa deshasí di 2000 kilo di shushi na Landfill grátis. Minister Finansa riba su facebook a pone ku Selikor no a kumpli ku e puntonan aki pa kual e ta wanta ku e entrega di plaka. Sillie na su turno a splika ayera ku debidamente Selikor i e otro kompanianan ku ta traha pa Selikor a kumpli ku e areglonan ku a ser stipulá. esaki a bin despues ku nan a sinta ku e gerensia di Selikor  i esaki a mustra nan tur e dokumentonan ku debidamente Selikor a kumpli ku e eksigensianan. Sillie a sigui splika ku e mes ta un trahadó di Selikor i e sa ku nan a kumpli i ta lamentá ku Minister ta bai pone un kos asina aki riba su FB ku nan no a kumpli. Esaki ta pone ku awe den oranan di  atardi pa 5 or lo tin un   reunion na e sede di BTG    pa tur e trahadónan pa asina studia e poseshon ku Minister di Finansa a pone ku e la wanta ku e entregamentu di e tranche na Selikor i tambe e beheersovereenkomst ku ta wanta.