Back to Top
Vigilante banner image

Sera Konosí ku Ronaiska Djaoen


June 21, 2024 • 2 minüt pa lesa

WILLEMSTAD,—-Ronaiska Djaoen ta un di a partisipante nan ku ta bai partisipá den e sertámen di mas grandi ku tin pa loke ta trata mundu di beyesa lokal ku ta e sertámen di “Miss Curaçao Teenager. Awe Kòrsou i mundu ta bai sera konosí poko mas di aserka ku e partisipante number 3 ku ta Ronaiska Djaoen Sambre.

“Kresementu ta un bishita úniko pa tur hende, yena ku eksperensianan di bida ku ta forma kon nos lo ta den futuro. Pa ami, Ronayska Djaoen Sambre, e tabata i ta un tempu di deskubrimentu, kaminda bo ta den enbuska di bo mes, kreando bo mes karakter, i sa kiko bo ke den bida. Siña kosnan nobo i tambe tin biaha desafionan ku ta reto nan den bida ku ta kaba di forma e persona ku mi a bira awe i e persona ku lo mi kontinuá di krese den dje i bira den futuro”.

“Aktualmente,mi tin 15 aña di edat, partisipante number 3 di Miss Curaçao Teenager 2024, i mi ta un mucha muhé humilde, amabel, i determiná. Loke mi tabata pensa di Miss Curaçao Teenager ta ku e ta solamente un konkurso di beyesa. Pero e nota! Miss Curaçao Teenager ta hopi mas ku solamente beyesa. E ta mustra talento, karakter, i tambe instalashon ku ta nos kapasidat pa siña, komprondé, i pensa di un manera lógiko. Loke mi ta spera ku Miss Curaçao Teenager ta algu ku ta inspirá hóbennan pa perkurá nan soño, i tambe pa sirbi komo un persona pa duna importansia na edukashon, kulturanan, i nos komunidat i tambe yuda resaltá e importansia di inspirá otro hóben nan pa bira un forsa positivo den komunidat i desaroyá nos kapasidat. Un Miss Teenager pa mi ta un persona ku ta demostrá liderato, dedikashon, i un pashon pa hasi un kambio positivamente den su pais. Al final, un Miss mester ta un persona ku no solamente ta bria pafó, pero mas importante, ta bria di paden ku su karakter i intelekto”.

“Un mensahe ku mi tin pa e komunidat di Kòrsou ta ku nos pais ta un tesoro di kultura, talento, i potensial. Ta hopi importante pa nos mantené uní i sostené un otro den tur kos ku nos hasi. Ban traha huntu pa promové un kultura di respeto i toleransia. Nos por logra hopi si nos ta traha uní, resetando e diversidat ku nos tin riba nos isla. Laga nos duna espasio na e potensial grandi ku kada un di nos tin. Tur hende ta importante i tur hende su bos ta konta. Kòrsou, ban sigui bria, trabou uní i mustra  amor pa nos komunidat i nos kultura. Ku un akto di union i sosten, nos por hasi un kambio positivamente pa un futuro mas bunita pa nos tur”.

Login