Parasasa — djabièrnè último Landsontvanger a sera su filial temporal na SVB pa asina muda tur servisio pa nan filial na WTC. Den oranan di awe mainta por a tuma nota ku tabatin un kantidat di persona ku a akudí na WTC pa hasi uso di servisionan di Landsontvanger.
For di ougùstùs 2019 servisionan di Landsontvanger a muda pa diferente lokalidat. Debí na e daño hasí na e edifisio despues ku a sende esaki na kandela, servisionan di Impuesto no por a kontinuá brinda su servisionan. Pues pa reanudá servisionan mas lihé posibel, Ofisina di Impuesto a opta pa reanudá su servisionan na diferente lokalidat.
Te ku djabièrnè pa servisionan di Landsontvanger komunidat mester a komuniká via mail òf akudí na un lokèt temporal na SVB. Despues di dos aña Ofisina di Impuesto a logra reanudá mayoria di su servisionan bou di un edifisio atrobe.