Back to Top
Vigilante banner image

Servisio di inteligensia tabata konspirá kontra di Schotte-Jamaloodin


June 6, 2024 • 3 minüt pa lesa

Gerrit Schotte.

Punda- Gerrit Schotte i Jorge Jamaloodin, dos amigu kendenan a opta pa mobilisá polítikamente via di e partido polítiko MFK, tabata víktima di konspirashon den seno na VDC, Servisio Estatal di Inteligensia. E konspirashon aki a kondusí na kondena di 30 aña pa Jorge Jamaloodin, kende ta sintando su kastigu den kaso Maximus.

Tabata Schotte kende despues di a realisá e táktika a entamá un huisio sumario den kortenan sivil kontra di dos funshonario trahando den Servisio di Inteligensia, Edsel G. i Yasser D.. E kaso sivil a bai korte tambe riba 17 di Yanüari 2020. Tabata e eks lider polítiko di MFK a entamá un demanda sivil pa logra haña daño perwisio despues ku informashon di Inteligensia (VDC/VNA) a bin lèk den prensa ulandes. Korant De Telegraaf na ulanda a publiká e memonan riba Schotte i tambe su eks pareha. E memonan tabata prosedente di VNA/VDC.  Lokual ta remarkabel den e kaso aki ta ku ta mesun momento Yassser D.  tambe a entamá un demanda kontra di Ministerio Públiko.

E liña di e kaso ta interesante den kuadro di e proseso penal imponé riba Jorge Jamaloodin despues, unda Edsel G., despues a duna deklarashonnan na funshonario di RST, sr. Kliebert. Tabata trata di deklarashonnan kompletamente inkriminatorio riba Jorge Jamaloodin, kende tabata e minister den funshon pa Gerrits Schotte, pa firma i duna e retiro na Edsel G.. Korte no a aseptá e prosès ferbal ku Kliebert a laga traha riba deklarashonnan di Edsel G.

Pero e deklarashonnan di Edsel G. a bini despues ku memonan di Schotte a bin lèk den prensa Hulandes unda Schotte a inisiá un kulpa sivil kontra di e dos funshonarionan na VDC i tambe Gobièrnu di Kòrsou. Ta trata di un kaso ku tabata den pasio for di 2014, promé ku Schotte su kondena a bira definitivo den kasashon. Schotte ta argumentá ku Edsel G. i Yasser D, kende tabatin lasonan ku Ministerio Públiko, ta kulpabel pa nan un memo di inteligensia lèk den prensa ulandes. Edsel G.  i Yasser D. ambos tabata empleá na VDC. E dos hòmbernan tabata esnan kende a traha riba un rapòrt di inteligensia riba Jorge Jamaloodin i Gerrit Schotte, despues ku MFK a forma e promé gobièrnu nashonal di Kòrsou na 2010. Konfliktonan interno entre Edsel G. i Schotte i Jamaloodin a kondusí na retiro di Edsel G.. De fakto, no ta Schotte a tuma e desishon pa retirá G. sino tabata Jamaloodin kende tabata asumí e posishon di asuntunan general pa Schotte kende tabata ousente. Konsekuentemente a surgi un konflikto grandi, kual a kondusí na retiro di G. pero tambe persekushon di Gerrit Schotte i kondena di Jorge Jamaloodin.

Miéntras Schotte despues a keda kondena pa tres korte penal, pa Jorge Jamaloodin e guera a resultá funesto. Riba djasabra 23 di mei 2015 i djamars 23 di yüni 2015, reshèrshi di RST e ulandes oropeo, Johannes Kliebert kende a funshoná na Kòrsou konforme artíkulo 57a insiso 2 i 3 di e Lei di Konsenso di Polis, a papia ku Edsel G.. E kombersashon a tuma lugá despues ku Schotte a inisiá e proseso sivil kontra di Edsel G. na 2014.  E deklarashon di Edsel G na agente di RST Kliebert  tabata unu importante pa Korte kuestioná si Wiels tabata un “tipgever” di RST. Al final, Korte a rechasá e prosès ferbal dje funshonario di RST aki i konfirmá ku e no tin balides pa sirbi komo prueba den kaso di Jorge Jamaloodin. Esaki ta un prueba serio, ku RST i VDC na dado momento tabata hungando ku prueba pa kologá sigur Jorge Jamaloodin, pero a bin sali na kla ku Helmin Wiels tabata informante di RST i ku Wiels a duna tip na hustisia riba baho mundu, di e.o. Luigi Florentina. E ròl di oloshi hòrta i tipnan ku Wiels tabata duna hustisia, a bira un punto fini pa determiná fo’i unda hues durante tratamentu den Promé Instansha, a konkluí ku Wiels tabata un “tipgever” di kisas RST.

E funshonario di RST, Kliebert a traha e rapòrt, unda tin deskribí ku Jorge Jamaloodin a ninga di kumpra e oloshi hòrta, pero bisa e atrakadónan ku e ta buskando hende pa asesiná Helmin Wiels. Edsel G. a bisa ku tur esaki nan a tuma lugá riba 2 di yüni 2012. Segun Edsel G., ta un “testigu” a kont’é e kosnan. E testigu a sigui splika Edsel G. , ku, e atrakadó a ninga e oferta, pasobra e no tabata den negoshi di asesiná hende mas. Pero Pretu Florentina, kende tabata den e vehíkulo a skucha tur kos patras sintá tras di glas skur. Segun Kliebert a bisa di a pone den su rapòrt. Pretu Florentina, despues di a skucha esaki, a bai serka Nini Fonseca i despues mas lat anochi, Nini Fonseca i Pretu Florentina ta bini serka Jorge Jamaloodin pa tuma e oferta. Esei tabata e teoria di Kliebert, kende a basa su prosès ferbal riba deklarashonnan di Edsel G., kende tabata esun ku Jorge Jamaloodin a firma pa retir’é for di VDC.. Korte nunka por a prueba ku e deklarashonnan di e eks funshonario na VDC tabata bèrdat.

Login