Back to Top
Vigilante banner image

Servisio di TDS a yega su fin


April 6, 2021 • 2 minüt pa lesa

Willemstad– Manera a keda anunsiá anteriormente, pa fin di mart 2021 e servisio di televishon suministrá pa TDS lo no eksistí mas.  Pa evitá di keda desapuntá, ta enkurashá klientenan pa hasi uso di e oportunidat di e servisio nobo ku ta keda proveé pa medio di e ret ultra moderno di Flow.

“E lisensia operashonal proveé dor di Gobièrnu na TDS, a yega su fin i komo kompania a tuma un desishon na interes di e klientenan pa hasi e transishon pa un ret muchu mas resistente pa futuro, kua e ret di Flow ofresé,” tabata palabranan di Danny Macaya, Country Managar Karibe Hulandes, pa Flow.

Durante último lunanan nos di Flow a bin ta aserká nos klientenan di TDS aktivamente i ta entusiasmá pa nan eksperensiá e servisio nobo di televishon aki ku ta brinda kontenido premium internashonal sin gastu adishonal. Algun highlight di e servisio nobo ta inkluí un kantidat mas amplio di kanalnan, programanan produsí lokalmente, kalidat di imáhen mehorá i tambe posibilidat pa graba riba ‘cloud’, huntu ku eventonan eksklusivo via pay-per-view i tambe kontenido di HBO.   Unabes pasa riba e plataforma nobo, klientenan por aktivá tambe e paketenan atraktivo di Flow kua ta kombiná e mihó di TV, internèt fiho i servisio di telefon mobil pospago. Ta importante pa tuma nota ku klientenan eksistente di TDS ku ainda no a pasa riba e plataforma di Flow ta eksperensiando un interupshon total den e servisio ya ku e kompania di forma pèrmanente a sera i retirá e plataforma di TDS aki.  

Macaya ta hasi uso di e oportunidat aki pa enkurashá tur kliente di TDS ku ainda no a keda konektá riba e ret di Flow, pa tuma kontakto ku nos mas pronto posibel p’asina nos por traha un sita pa hasi e kambionan nesesario na nan instalashon eksistente.

Ta sumamente esensial pa e klientenan di TDS tuma kontakto ku nos via 9274, kua ta un number grátis, pa risibí asistensia ku e interupshon den servisio di televishon aki. Nos ta tratando e klientenan aki komo prioridat i ta moviendo rápidamente pa por kumpli ku e demanda.Unabes e traspaso keda kompletá, klientenan lo por bishita e Flow Store situá na Saliña pa pidi kualke asistensia ku nan servisio, i tambe hasi pago, inkluso via di drive-thru. 

E fasilidat di pago via transferensia di banko, Pagomátiko i Pagafásil tambe ta keda vigente.klientenan simplemente mester hasi uso di e number di kuenta nobo di Flow komo referensia, kua e ta risibí despues di e instalashon di su servisio di televishon.

Login