Shai a deskribi su mes komo un persona sosial, trankil i komprendibel.

Koraalspecht—KPC ke duna su aporte prinsipalmentena nos hóbennan dor di konsientisá na pa evitá di kometé un krímen i kai den gara di hustisia. I pa ku esaki nan a saka difernte video di entrevista riba nan facebook page, kaminda ta entrevista hòben nan ku ta den e SDKK.

E lo bai ta un serie di 4 entrevista ku detenidonan den SDKK tokante ‘E bida tras muraya’. E programa di konsientisashon aki ta di Kuerpo Polisial Kòrsou den koperashon ku SDKK. E promé edishon di e serie aki a kuminsa 24 di Desèmber 2020. Durante di e entrevista Sr. Luis Curiel tabata esun ku tabata hasi e pregunta nan na e detenido nan. Te ku awor a hasi 2 entrevista ku 2 detenido.

Durante e prome entrevista ku tabata dia 24 di Desèmber a hasi entrevista ku un hoben di 38 aña ku su nòmber ta Shairon “Shai” Paulina. Shai a deskribi su mes komo un persona sosial, trankil i komprendibel. E motibu dikon e ta sintando kastigu na e momentu nan aki ta pa un kaso di atrako i asesinato. Su kondena tabata bida largu i ya e tin 20 aña será, pero e ta den proseso di evaluashon na e momentu nan aki. Shai a splika ku e motibu dikon e la yega na e idea pa komete e akto nan aki ta paso e la desviá for di e kaminda korekto i ku e la stòp di bai skol, i tambe ku den seno familiar tabatin sierto problema nan ku a pone ku e la haña rabia den su kurpa ku a pone ku e la kue e kaminda robes. Shai a splika ku tin biaha den bida bo ta haña bu ku mal amistat nan ku por hinka bu den e mal kaminda. E la splika tambe kon su dia ta bai den SDKK.

E ta den un blòk, su so ta den un sèl pero tin mas hende i e ta asosia ku e otro nan. Na momentu ku e lanta mainta nan ta hunga dominó, rekrea ku tin na nan disposishon, nan ta hunga pin pòn, mens erger  je niet i asina e dia ta bai. Despues e la kuminsa sigui kurso nan i skol e ta partisipa na dje. Shai a splika ku e kondena di bida largu tabatin un impakto basta grandi riba dje. I esaki a pone para ketu i madura i mira ku si e lo a keda riba e ruta ku e tabata ora asinaki porta e lo no por tabata ni na bida. E la splika tambe ku e la saka hopi kos positivo for di e kondena ku e ta sintando aki. Shai a duna di konose ku si e por a bai bèk den pasado e lo a prefera di bai skol, tende di su mayor nan i asina kosnan lo tabat otro. “Den bida no ta tur kos ta bai manera bo ke, bo mester siña biba ku kos bon i kos malu”.

Shai a finalisa e video lagando un mensahe atras pa e hòbennan. “ Mi ke bisa e hòbennan positivo pa nan keda riba e bon kaminda, paso aki nan den SDKK no ta e kaminda apropia pa bo ta i ku bono mester bin aki nan pa bo por siña nada”. I pa e hòbennan ku tin problema ku nan komportashon ta malu of a haña nan mes ku un delitu chiki, mi ke splika nan ku nunka no ta lat pa por kambia pero sigui instrukshon di boso mayor nan”. E produkshon ta di Kuerpo Polisial Kòrsou.